Sot negociata për Presidentin e ri! PS takime të veçanta me Mediun, Dodën dhe Alibeajn

Ende nuk ka asnjë emër për President për t’u hedhur për votim në raundin e parë të përcaktuar të zhvillohet të hënën e 16 majit, ora 17:00.

Sot është ditë negociatash. Kryetari i grupit parlamentar të PS-së, Taulant Balla do të zhvillojë një takim me krerët e grupeve parlamentare të tjera.

Takimet ndërmjet kryetarëve të grupeve parlamentare do të zhvillohen të ndara. Kështu, në orën 09:00 pritet që të diskutohet mes kreut të grupit parlamentar socialist Taulant Balla me Mesila Dodës. Më pas takimi do të pasohet me Fatmir Mediun, që do të zhvillohet në orën 10:00 dhe në 11 është parashikuar takimi me kreun e grupit parlamentar të PD-së, Enkelejd Alibeajt, i cili ende nuk ka konfirmuar pjesëmarrjen.

Kryeministri Edi Rama i ka lënë dorë të lirë opozitës që të propozojnë ata të parët emrin e kandidatit për president. Partia Socialiste nuk do të çojë propozim në raundin e parë, që do të mbahet në datën 16 maj.