Studenti Klajdi Bello: Arlind Qorri donte të rrëmbente drejtimin e prostestës

Protesta e studenteve nuk ka mbaruar ajo pritet të vazhdojë sërish në Janar dhe të rinjtë kanë premtuar se nuk do të ndalen deri në realizimin e kërkesave të tyre.

Studenti Klajdi Bello i ftuar në “360 Gradë” në Ora News, akuzoi Lëvizjen për Universitetin se donte të shuante protestën e studentëve. Arlind Qorri e drejton këtë Lëvizje për të cilën akuzohet se e drejton realisht kryeministri.

Bello: Studentët kanë qenë aty dhe e kanë parë të vërtetën. Ju keni dashur ta merrni stafetën. Ne bëmë shkëputjen nga Ministria tek Kryeministria dhe këtu qe vdekja e Lëvizjes për Universitetin dhe lindja e universitetit dhe studentëve të vërtetë të këtij kombi. Doni tua them të vërtetën? Donit të merrnit stafetën e tarifës mbi arsimin që hoqët. Donit të merrnit triumfin. Studentët ishin më inteligjentë. U shkëputëm tek Kryeministria dhe ju na bëtë bllokadë dhe ju dolët me megafonë dhe ndezët zjarrin atje. Ju jeni përpjekur në tëra mënyrat të na shuani.