Targa AA 003 GB

Çështja më e diskutuar dy ditët e fundit është arrestimi i Moisi Habilajt, kushëriri i ish-ministrit të Brendshëm, Saimir Tahiri.  Ky i fundit i kishte shitur makinën e tij ‘Audi’ pikërisht të arrestuarit për trafik të më shumë se 3.5 ton kanabis nga Shqipëria në Itali. Arrestimi ka kthyer debatin për makinën e Tahirit me të cilën besohet se është trafikuar drogë, në kohën kur Saimir Tahiri ishte ministër i Brendshëm.

Mbrëmjen e djeshme është protestuar tek kryeministria ku janë shfaqur pikërisht targat e makinës së Tahirit, ‘AA 003 GB’, siç edhe i shikoni më poshtë.  Ka qenë aktivisti i shoqërisë civile Zirkon Disha ai që ka protestuar në mënyrën origjinale para kryeministrisë.