“Ti lutemi Zeusit për shi”, “me pesë thasë miell nuk quhesh i varfër”, protestuesit ironizojnë ministret e Ramës

Qindra qytetarë janë mbledhur edhe këtë të shtunë në protestën kombëtare kundër rritjes së çmimeve.

Një moment pikant i kësaj proteste ka qenë edhe mbajtja e pankartave ironizuese për ministren Delina Ibrahimaj, ministren e Shtetit Edona Bilali dhe për kryeministrin Rama.

“Me pesë thasë në muaj nuk quhesh i varfër”, shkruhej në pankartën me fytyrën e ministres Ibrahimaj.

“Çmimin e përcakton tregu, fitimin ma përcakton pazari”, shkruhej në pankartën me fytyrën e kryeministrit Rama.

“Ti lutemi Zeusit për shi”, shkruhej në pankartën me fytyrën e ministres së Shtetit për Mbrojtjen e Sipërmarrjes, Edona Bilali.