Ulsi Manja: Po bëjmë shtet. Nuk lejojmë arrestimin e Tahirit

Në dalje të mbledhjes së Këshillit të Mandateve, përfaqësuesi i PS-së, deputeti Ulsi Manja ka deklaruar se maxhoranca e mbështet plotësisht hetimin e prokurorisë kundrejt Tahirit, por nuk mund të pranojë arrestimin e ish ministrit të Brendshëm. Ai tha se nuk ka asnjë provë që të mbështesë vendimin për arrestimin e ish-ministrit Saimir Tahiri.

Manja nga ana tjetër ka sulmuar përfaqësuesit e opozitës, duke deklaruar se ata janë të interesuar tek pushteti dhe jo tek zbardhja e të vërtetës që lidh Tahirin me grupin kriminal të Habilajve.

“Po flasim për opinionin publik, ishte e natyrshme që do kishte dy qëndrime, ne si shumicë jemi të interesuar ër të vërtetën dhe atë e kërkojmë nga institucione e drejtësisë dhe jo nga opozita, e cila u pa qartë që ka hallin e puishtetti. Është normale që kur të tilla halle, gjykimi i ftohtë Ne e kemi pranuar kërkesën e prokurorisë për kontrollin e banesës e atij personal duke garantuar konform rregullave vijimin e hetimeve nga prokuroria, që do të thotë ajo është e lirë që të vijojë të gjitha hetimet. Ndërsa lidhur me kërkesën për arrestimin, ne si shumicë çmojmë se kjo kërkesë nuk mbështetet në prova sic e kërkon ligji, kushtetuta e kodi penal. Ne e inkurajojmë prokurorinë pavarësisht se këto hetime kanë vetëm 72 orë që kanë nisur. Ne e garantojmë prokurorinë që do ti japim të gjithë mbështetjen e duhur, sepse jemi për të mbështetur të vërtetën.”