Veliaj i përgjigjet Kokëdhimës: Je oligark i vobektë, që nuk i jep qytetit një pemë

Kryetari i Bashkisë së Tiranës i ka kthyer përgjigje një komenti që kishte bërë gjatë ditës së sotme biznesmeni Koço Kokëdhima, i cili e kritikonte atë për politikën e tij të taksave kundër ndërtuesve.
Duke iu drejtuar Koço Kokëdhimës, Veliaj thotë se i ka dhjetëfishuar taksat për bizneset e ndërtimit dhe të pasurit, si një mënyrë që ata t’i kthejnë qytetit atë që qyteti u ka dhënë në gjithë këto vite, qoftë nëpërmjet lejeve të ndërtimit ashtu edhe duke qenë njerëz të privilegjuar në marrjen e shumë shërbimeve.
Veliaj nuk ngurron ta cilësojë Kokëdhimën si një biznesmen të vobektë sa i përket përgjegjësisë së tij sociale ndaj qytetit.

Komenti i plotë:

“I kam 10 fishuar taksat VETEM për oligarkët si ty shoku Koço që i keni marrë këtij qyteti njëqind-fish e s’i keni dhënë mbrapsht asnjë pemë! Gjithologë që shisni dëngla “si të bëhesh milioner”, por në kontribut jeni më të vobektë se të moshuarit zemërbardhë të azilit të pleqve!”