Ylli Rakipi në Top Channel. Përballen Fevziu dhe Rakipi ditën e enjte

Sokol Balla ka ikur në Vizion Plus. Vendin e lënë bosh prej tij do ta marrë një tjetër emër i njohur në gazetarinë shqiptare. Prej kësaj të enjteje në orën 21.00 aty do të gjejmë Ylli Rakipin me emisionin e tij “Të paekspozuarit” në Top Channel.

Tashmë ditën e enjte do kemi përballjen Fevziu dhe Rakipi, i pari në Klan dhe Rakipi në Top Channel.

Burimet tregojnë se Rakipi ka pranuar ofertën e bërë nga drejtuesit e Top-it, ndërsa ka parashtruar edhe kërkesat e tij. Sipas të njëjtave burime emisioni i Rakipit do të transmetohet vetëm ditëve të enjte në mbrëmje dhe jo nga e hëna në të enjte si Balla. Pjesë e pandarë e emisionit të tij ditën e enjte do jenë edhe gazetarët Andi Bushati dhe Fatos Lubonja.