Zëvendëskryeministri: 359 familje në Kavajë dhe 45 në Golem hyjnë në shtëpitë e reja

Zëvendëskryeministri Arben Ahmetaj duke folur nga Kavaja për pasojat e tërmetit, deklaroi se në këtë qytet kanë hyrë në banesat e reja, 359 familje të prekura.

Ndërsa në Golem janë futur në banesat e reja 45 familje.

“Për të gjithë që na ndjekin, sot janë 359 familje këtu në Kavajë dhe 45 në Golem që hyjnë në shtëpitë e reja. Është një premtim i mbajtur i Kryeministrit. Dua t”ju kujtoj ju dhe shqiptarëve. Kjo është kriza e tretë që Shqipëria kalon. Tërmeti, pandemia dhe pasojat e luftës. Imagjinojeni që atë ditë që ra tërmeti, që u gjendëm në pandemi dhe sot që jemi në këtë krizë, të ishim me një kryeministër tjetër. Sot dua që të kujtojmë dhe të përmendim dhe të shpërndajmë atë që kemi në zemër dhe në mendje. Askush nuk ngeli vetëm. Sëbashku do e kalojmë siç e kaluam dy të tjerat”, – tha Ahmetaj.