Ish-ministri i Drejtësisë Ylli Manjani, thotë se vendit i duhet urgjentisht një Kushtetutë e re, pasi për të po jetojmë në një shtet monopartiak si në kohën e Enver Hoxhës.
“Populli po largohet, shteti nuk ekziston, është në duart e një klike. Duhet marrëdhënie populli dhe shteti i tij.
Për fat të keq ne shqiptarët kemi në memorie një shtet partiak, shtetin e kemi ose multipartiak, ose monopartiak siç është ky tani dhe shteti i Enver Hoxhës.
Ky nuk është shtet, por pushtet. Duhet një Kushtetutë e re, se aktualja është qelbësirë Kushtetutë, e vetmja në rruzullin tokësor që ka fjalën korrupsion brenda. Turpi estetik në të shkruarin e Kushtetutës ka arritur kulmin”.
