Në konferencën për shtyp para ndeshjes Hungari-Shqipëri, ishte edhe portieri i vendasve, Peter Gulacsi. Sipas tij mungesa e tifozëve mund të jetë një avantazh për kuqezinjtë në këtë duel.
“Ndeshja me Shqipërinë është më e rëndësishmja. Nuk duhet të jesh matematicien i madh që të kuptosh se fatin tonë e kemi ende ne në dorë. Objektivi ynë është që të fitojmë dhe të mbajmë shanset hapur pasi humbja në Shqipëri na ka komplikuar shumë pozitat në grup.
Mungesa e tifozëve? Nuk është avantazh për ne, por për shqiptarët. Kemi luajtur edhe me Poloninë pa tifozë për COVID. Kush e di se çfarë do të ndodhte në minutat e fundit, nëse do të kishim stadiumin e tejmbushur”, tha Gulacsi.
