Pas protestave para Kryeministrisë kundër rritjes së çmimeve një thirrje për protestë është shpërndarë sot në rrjete sociale, këtë herë kundër rritjes së çmimit të naftës.
Kërkesa e drejtuesve të mjeteve është ulja e naftës në 140 lekë. Thirrja është për ditën e nesërme që në orën 13:00 të fikin makinën në autostradën Tiranë-Durrës.
Protesta vjen në një kohë kur çmimi i karburantit është rritur. Pak ditë më parë u mbajtën disa protesta para kryeministrisë kundër rritjes së çmimit të produkteve të shportës.
