Partia Socialiste është tërhequr nga frika e përplasjes me opozitën duke anuluar vendimin për përjashtimin e 23 deputetëve të Rithemelimit dhe të grupit të Gazment Bardhit. Ajo ka lejuar pjesëmarrjen e tyre në seancë plenare. Seanca do të mbahet sot në orën 17:00.
“Të nderuar kolegë, zyrtarisht jemi njoftuar nga Kuvendi që nuk do ketë asnjë pengesë për deputetët e përjashtuar për pjesëmarrje në seancë. Vendimi i përjashtimit është anulluar”,-mësohet të ketë njoftuar Bardhi kolegët.
Po ashtu është zbardhur shkresa e Kuvendit për Gardën e Republikës. Në dokumentin në fjalë, të firmosur ditën e sotme nga sekretaria e Kuvendit, i komunikohet Gardës që të mos ketë asnjë pengesë për të gjithë deputetët, duke nënkuptuar kështu edhe 23 ligjvënësit e përjashtuar.
