Ministri i Jashtëm rus, Sergei Lavrov, ka thënë se anulimi i vizitës së tij në Serbi, ka qenë i pashembullt.
Ai i ka bërë këto deklarata në një konferencë për mediat, pasi vendet afër Serbisë: Bullgaria, Maqedonia e Veriut dhe Mali i Zi kanë mbyllur hapësirat ajrore për aeroplanin që planifikohej të dërgonte kryediplomati rus të hënën në Beograd.
Lavrov ka thënë se homologu i tij serb, Nikolla Sellakovic është ftuar në Moskë, dhe shpreson që udhëtimi i tij nuk do të pengohet.
Rusia ka fajësuar Perëndimin pasi Lavrov ka anuluar vizitën në Serbi.
Zëdhënësja e Ministrisë së Jashtme ruse, Maria Zakharova, e ka konsideruar vendimin “një tjetër kanal të mbyllur të komunikimit”, në disa komente që janë përcjellë nga agjencitë ruse të lajmeve.
