Cristiano Ronaldo preferon të mos bëjë asnjë premtim për Kampionatin Europian, por është shprehur se do të japë maksimumin që luzitanët të dalin triumfues. Ai theksoi se është i motivuar njësoj si në vitin 2004, Europiani i parë kur ai luajti si protagonist, edhe pse Greqia triumfoi në finale.
“Nuk ia vlen të premtojmë titullin ose të bëjmë parashikime. Ajo që mund të premtoj është se ne do të luajmë çdo ndeshje për të fituar. Pritjet janë të mëdha.
Ne kemi fituar dy tituj shumë të rëndësishëm në vitet e fundit dhe kjo sjell përgjegjësi. Ne i respektojmë të gjithë kundërshtarët. Jemi në finalet e Europianit dhe këtu nuk ka ndeshje të lehta”, tha Ronaldo.
