Deputeti i PD-së, Ervin Salinaji ka shpërthyer në akuza të forta ndaj ministrit të Brendshëm Bledi Çuçi, lidhur me kriminalitetin ne vend dhe zhdukjen e të shumëkërkuarit Ervis Martinaj.
Salianji përmendi emrat e disa prej të fortëve në vend, duke hedhur akuza se policia e di se ku janë, por nuk arrin t’i arrestojë.
Ai shtoi se policia nuk jep dot një përgjigje se ku është Ervis Martinaj, kur ishte vetë ajo që e lajmëroi të largohej 5 minuta para se “blutë” të shkonin në hotelin ku po qëndronte.
“Norma e vrasjeve për 100 mijë banorë, Shqipëria është e 5-ta. Më shkruajnë prindër të personave që janë vrarë, policia ishte 10 metra larg dhe nuk ndërhynte dot. Këto nuk janë imagjinata, policia ishte aty dhe ishte e pafuqishme, qëndronin aty sikur të ishin pula. Keni kaluar një ligj këtu që do mbyllet Vettingu për 2 vite, por ka dështuar. Keni thënë do vini Vetting në polici, kush do e bëjë? Ju doni të bëni një drejtim tjetër se erdhën zgjedhjet që ti bëni bashkë me kriminelët. Di gjë sot ku e ke Talo Çelën? Po e di që Policia e Shtetit se ai del nëpër qytet, ku e keni Suel Çelën? Po Fatos Goga, Florenc Çapja, Ervis Martinaj gjallë a vdekur janë, ndërkohë që ju e dini që 5 minuta para se të shkonit në hotel e keni lajmëruar për ta larguar se keni pasur tjetër plan. Grupet kriminale janë sofistikuar, nuk ka punë Policia e Shtetit. Nuk mund t”ju them që vrasja në Kozare ku fqinji vret fqinji është përgjegjësi e juaja, por kur vritet Erjon Çela dhe plagosen 4 të tjerë përgjegjësia është e juaja”, tha Salianji.
Me tej deputeti akuzoi policinë e shtetit se po bashkëpunon me bandat kriminale për zgjedhjet vendore.
