Andreja Pejic, modelja transgjinore e parë në Ford

Andreja Pejic është duke thyer barrierat në industrinë e modës, kështu duke u shndërruar në modelen më të re për agjencionin e njohur Ford.

26 vjeçarja, refugjate nga ish Jugosllavia, është modelja e parë transgjinore që ka nënshkruar kontratë me këtë kompani.

“Ford është agjencioni i modës më i vjetër dhe ka një histori të mahnitshme. Tre vjet më parë jam përjashtuar nga një agjencion pasi që kam treguar publikisht që jam transgjinore. Për mua të kaloj nga një vend ku nuk e dija se a kam të ardhme në biznesin e modës, një një tjetër ku kam bashkuar forcat me njërin nga emrat më të njohur të industrisë, është njësi shumë e mirë” ka thënë Pejic.