Blogerja përjashtohet nga reklama e firmës kozmetike për problemet me lëkurën

Një blogere e njohur, e cila dokumenton problemet e saj me lëkurën duke treguar hapur që ka akne është përjashtuar nga fushata e firmës kozmetike L’Oreal. Kadeeja Khan ka 124 mijë ndjekës në llogarinë e saj në Instagram ku shpërndan video të ndryshme për grimin, si dhe produktet e reja që dalin në treg. Ajo u befasua kur L’Oreal kërkoi të punonte me të, por pas pak minutash mori një email të dytë ku kompania tërhoqi ofertën me pretendimin se nuk bashkëpunon me njerëz që kanë probleme me lëkurën. Firma e njohur ka kërkuar falje, duke thënë se ka ndodhur një keqkuptim ku agjentët zgjodhën gabimisht blogere me probleme në fytyrë.