Djali heq dorë nga familja për të kërcyer ‘belly dance’

Eshan Hilal është një djalë nga India që pëlqen të kërcejë ‘belly dance’, por paragjykohet rëndë nga njerëzit që e rrethojnë për këtë zgjedhje.

Ai filloi të kërcente që kur ishte në gjimnaz dhe e ndoqi ëndrrën e tij, edhe pse duhet të shkëpuste kontaktet me familjen.

“Kur vjen puna te gjinia dhe personaliteti, njerëzit thonë se nuk je burrë nëse kërcen. Unë e refuzoj këtë qëndrim që mbajnë ata. Unë kam shkëputur konktatet me familjen sepse ata ndihen të turpëruar prej meje”  – ka thënë 24-vjecari për BBC.

Edhe pse ka qenë një rrugëtim i vështirë për të, ai ka zgjedhur të jetë i guximshëm dhe të sfidojë cdo njeri që pretendon që ai të heqë dorë nga dëshira për të kërcyer.