Reperi shqiptar, Don Xhoni ka arritur një tjetër sukses të rëndësishëm në arenën ndërkombëtare. Albumi i tij më i ri, “100%”, është renditur mes debutimeve më të forta globale në Spotify, duke konfirmuar edhe një herë ndikimin e artistit përtej tregut shqiptar.
Sipas klasifikimit zyrtar të platformës për periudhën 3–5 korrik, albumi është pozicionuar në vendin e nëntë në listën e albumeve me debutimin më të suksesshëm në nivel botëror. Kjo renditje e vendos Don Xhonin në të njëjtën listë me emra të njohur të industrisë muzikore, ku kryeson Madonna, ndërsa pjesë e Top 10 janë edhe Ken Carson dhe Bonez MC.
Suksesi i albumit pasqyron mbështetjen e madhe të publikut dhe interesin e lartë që projekti ka ngjallur që në ditët e para të publikimit.
Don Xhoni forcon pozicionin e tij si një nga artistët shqiptarë më të suksesshëm në skenën ndërkombëtare, duke çuar hip-hopin shqiptar në një tjetër nivel.