Dy filma kosovarë konkurrojnë për “Oscars”

Dy filma artistikë kanë aplikuar në thirrjen për aplikim për propozimin e Kosovës për çmimin “Filmi më i mirë i huaj”. Siç njofton Qendra Kinematografike e Kosovës, bëhet fjalë për filmat “Azemi”, me skenar dhe regji të Rrahman Fetahut, dhe “Babai” me skenar dhe regji të Visar Morinës. Këtë vit komiteti selektues i aprovuar nga Akademia “Oscars” përbëhet nga: Arben Bajraktaraj (kryesues), Blerta Zeqiri, Shkumbin Istrefi, Zymber Kelmendi, Sevdije Kastrati, Ilire Vinca, Alban Muja. Vendimi pritet të merret në fillim të shtatorit, thuhet në njoftim.