Hakmarrja e ftohtë: Këngëtarja bën xheloz të dashurin

Lajmet për një krizë në marrëdhënien e saj dhe Liam Payne kanë javë që qarkullojnë. Payne u tregua një djalë i praptë dhe i ndejti më afër se ç’duhet Rita Ora-s në një nga performancat e tyre, ndërsa Cheryl zgjodhi të hakmerret në mënyrën më të ftohtë.

34-vjeçarja në tentativë për të bërë xheloz të dashurin 24-vjeçar, publikoi një foto me aktorin zemërthyes. Të dy krah për krah pozonin për Instagramin e Cheryl dhe dukeshin alamet pëllumbash.

Burime treguan për The Sun se është shumë e pazakontë që Cheryl ta bëjë diçka të tillë, qoftë edhe me yje të mëdhenj, prandaj Tom duhet të ndihet vërtet i privilegjuar.

“Ajo ka qenë gjithnjë një fanse e tij dhe s’donte të çonte dëm mundësinë për të shkëmbyer dy fjalë. Gjithashtu, thellë brenda vetes e dinte që postimi i një fotoje në instagram do ta linte Liam pa fjalë”.