Jennifer Lopez i jep fund lidhjes 5 vjeçare

Pas një lidhje 5 vjeçare, Jennifer Lopez dhe Casper Smart i kanë dhënë fund romances se tyre. Duket se gjithçka ka qënë në mënyrë paqësore, ndërsa ende nuk ka një konfirmim nga vetë çifti në fjalë. Lajmi bëhet i ditur nga një burim i revistës People, i cili konfirmoi ndarjen e çiftit:  “Jennifer dhe Casper i kanë dhënë fund. Prej javësh, çifti nuk kanë qenë bashkë”. Gjithçka duket interesante, sepse ai ishte në show-n e saj në Las Vegas vetëm më 13 gusht.

Burimi vazhdon: “Këtu nuk kishte asgjë dramatike, madje ata janë ndarë me mirëkuptim, është konsideruar se ndarja ka ardhur krejt natyrshëm. Do të mbeten miq të mirë dhe do të takohen sërish me njëri-tjetrin. Ishte gjithçka e qetë”, thotë më tej burimi.