Lumi B plaçkit bankën në projektin e ri

Lumi B, ka lançuar projektin e tij më të ri. Vetëm pak ditë pas projektit “Vandami” me Viganin, Lumi është kthyer me një projekt të fuqishëm. Ai është autor i tekstit të prurjes së re, teksa në muzikë gisht ka artisti i njohur, Big Bang nga shtëpia e hiteve, RedBox. Lumi B kështu dëshmon edhe një herë se është një prej artistëve më të mëdhenj të skenës së hip hopit. Videoklipi është punuar nga Entermedia dhe shfaq reperin duke plaçkitur bankën dhe duke bërë probleme me shokët e tij reperë si Vig Poppa, Ledri dhe DJ FLOW.