Martohet mamaja e Beyonce

Mamaja e Beyonce është martuar këtë fundjavë, Tina Knowles 61-vjeçe, është martuar me protagonistin e “Poltergeist”, Richard Lawson 68-vjeç, të dielën në mbrëmje në Kaliforni, raporton TMZ.

Të gjithë të ftuarve në dasmë, përfshi Beyonce, Jay Z, Blue Ivy si dhe Solange Knowles, iu ishte kërkuar të visheshin komplet me të bardha në këtë ceremoni.

Tina, e cila është ndarë me babanë e vajzave të saj, Mathew Knowles në 2009, ka folur rreth dashurisë që ka gjetur me aktorin 68-vjeçar, duke thënë se ndihet më e lumtur se kurrë më parë.