Rona Nishliu: Të rinjtë kanë nevojë për përkrahje

Rona Nishliu kudo që shfaqet rrëmben shumë duartrokitje dhe rikonfirmon vlerat e saj artistike. Rona, së fundmi ka mbajtur koncert me performanca të frymëzuara nga motivet tona, i cili po ashtu është titulluar “Me motivet tona”. Flitet se këto këngë do të përmblidhen në një album. Po ashtu këngëtarja ka këndur edhe në Oborrin Qeveritar në Tiranë dhe ka shkëlqyer para njerëzve me ndikim në jetën politike, art e kulturë. E, pavarësisht sukseve, Rona ruan thjeshtësinë. Ajo mendon se nuk është më e mira, madje thotë se vendi ynë, kosovë e Shqipëri ka shumë zëra të veçantë. “Të rinjtë kanë nevojë për përkrahje dhe unë me aq sa kam mundësi do t’i ndihmoj ata në vazhdimësi”, ka thënë këngëtarja e “Suus”.