Shuplaka që i dha prezantuesit Chris Rock në mbrëmjen gala të çmimeve ”Oscar”, po i kushton shtrenjtë aktorit Will Smith, i cili pezullohet për 10 vite nga çmimet ”Oscar”.
Akademia e Arteve dhe Shkencës së Filmit, e cila organizon ceremoninë e ndarjes së çmimeve ”Oscar”, u mblodh praktikisht të premten për të diskutuar masat disiplinore.
”Bordi ka vendosur, për një periudhë 10 vjeçare nga 8 Prilli 2022, z. Smith nuk do të lejohet të marrë pjesë në asnjë ngjarje apo program të Akademisë, personalisht ose virtualisht, duke përfshirë por pa u kufizuar në Çmimet e Akademisë”, sipas Presidentit të Akademisë, David Rubin dhe CEO-s Dawn Hudson.
