Sinoptikania Lajda Porja ka bërë një parashikim të motit dhe ka paralajmëruar mbërritjen e të ftohtit polar në Ballkan.
Situata e reshjeve është përmirësuar ndjeshëm, duke bërë që territori shqiptar të jetë nën ndikimin e kthjellimeve me alternime vranësisrash.
Megjithatë, reshjet do të jenë prezente gjatë pjesës së dytë të ditës, në sasi më të pakta.
Ndryshe është paraqitur situata termike, bën me dije sinoktikania Lajda Porja. Gjatë natës ka patur depërtim të masave ajrore polare që janë drejtuar tashmë drejt vendeve të Ballkanit, duke sjellë menjëherë rënie të temperaturave.
Pjesa e parë e javës do të jetë tipike dimri. Në zonat malore temperaturat do zbresin deri në -3 gradë Celsius dhe maksimalet jo më shumë se 12-13 gradë. Të martën dhe të mërkurën priten reshje dëbore në zonat malore.
Në pjesën e dytë të javës pritet sërish rritje e temperaturave si dhe prezencë e reshjeve. Temperaturat pritet të ngjiten në 20 apo 21 gradë Celsius.
