Raportet e reja shkencore për temperaturat rekord të atmosferës dhe oqeaneve, sipas të cilave vitet e kaluara janë më të ngrohtat që nga fillimi i mbajtjes së këtyre të dhënave, shtojnë dëshminë e një tendence afatgjatë të ngrohjes globale, pa shenja të ngadalësimit të temperaturave.
Sipas gjetjeve të reja të Shërbimit të Ndryshimeve Klimatike Copernicus (C3S), shtatë vitet e fundit kanë qenë më të ngrohtat që nga fillimi i mbajtjes së rekordeve, ndërsa në vitin 2021 ishte i pesti më i ngrohtë, sipas The Wall Street Journal.
Viti 2021 ishte mesatarisht relativisht më pak i ngrohtë se vitet e fundit, Europa pati verën më të ngrohtë në histori, sipas një raporti të Shërbimit Europian, i cili daton në vitin 1950 dhe e njëjta gjë ishte e vërtetë për Shtetet e Bashkuara.
Temperatura mesatare në vitin 2021 ishte 0.3 gradë celsius më e lartë se mesatarja midis 1991 dhe 2020, si dhe midis 1.1 dhe 1.2 gradë celsius më e lartë se temperaturat e regjistruara gjatë epokës para-industriale nga 1850 deri në 1900.
