Ne vigjilje të ndeshjes së parë të sezonit në Premier League, Ole Gunnar Solskjaer ka “zyrtarizuar” një goditje në merkato Raphael Varane. Me mbrojtësin është mbyllur transferimi prej ditësh, por detajet burokratike e kanë penguar finalizimin deri më tani.
“Operacioni nuk është mbyllur 100 për qind. Nuk është stërvitur ende dhe janë edhe disa detaje burokratike për t’u sistemuar. Izolimi ka vonuar mbërritjen e tij dhe për këtë arsye nuk do të jetë me ne nesër. Ai ka kryer vizitat mjekësore në Manchester dhe mund të quhet si afrim i mbyllur, por duhen ende edhe disa detaje për t’u sistemuar”, deklaroi Solskjaer.
United do të presë Leeds United, teksa këtë sezon e nisin mes ekipeve favorite për të fituar kampionatin. /R.Lika-Koha Jone/
