Abazaj shkëlqen me dopietë në ndeshjen e rezervave të Anderlechtit (VIDEO)

Kristal Abazaj ende nuk po debuton me ekipin e parë që pas transferimit të tij nga Luftëtari te gjigantët belgë në verën e kaluar. Gjasat janë që Abazaj të huazohet në janar në një skuadër më të dobët të kampionatit belg në mënyrë që të ketë mundësi të luajë rregullisht, diçka që mund t’i mundësonte sulmuesit të krahut edhe rikthimin në kombëtaren shqiptare.

22-vjeçari nga Tropoja, shkëlqeu në ndeshjen e fundit të skuadrës rezervë të Anderlechtit duke realizuar dy gola shumë të bukur në fitoren 4-2 ndaj Waasland Beveren.