Aleks Mekleish merr drejtimin e Kombëtares së Skocisë

Aleks Mekleish është trajneri më i ri i Kombëtares së Skocisë. 59-vjeçari ka arritur marrëveshjen me Federatën Skoceze të Futbollit për një kontratë dy-vjeçare, që korrespondon me përfundimin e eliminatoreve të Europianit të Ligës së Kombeve.

Mekleish do të zërë vendin e Gordon Straçan, i cili dha dorëheqjen nga detyra tetorin e kaluar, pasi nuk arriti ta kualifikonte përfaqësuesen britanike në finalet e “Rusi 2018”.

Për 59-vjeçarin kjo do të jetë eksperienca e dytë në krye të Skocisë, pasi e ka drejtuar për 10 ndeshje edhe në periudhën 2006-2007.