Allegri konfirmon gjithçka: Ronaldo do ta shohë ndeshjen nga stoli me mua

Massimiliano Allegri ka vendosur: Cristiano Ronaldo do të pushtojë në ndeshjen e nesërme ndaj Atalantës. Për portugezin do të jetë hera e parë për të sezon, në javën e 18-të vjen pankina e parë për Cr7.

“Për herë të parë unë dhe Cr7 do ta shohim ndeshjen nga pankina. Jam shumë i lumtur për atë që ka bërë. Ka qenë një nisje shumë e mirë nëse shohim edhe numrat, por unë dua që ai të jetë në formën e tij maksimale gjatë marsit, pasi atëherë është pika vendimtare.

Dhurata në futboll? Nuk dua të dukem si mendjemadh. Gjëja që më pëlqen më shumë është që të punojnë të gjithë me të njëjtin synim”, deklaroi strategu livronez. /Koha Jone/