Ancelotti: Dueli me Shakhtar? Reali nuk di të gabojë në sfida të tilla

Trajneri i Real Madridit, Carlo Ancelotti e di shumë mirë që çdo gabim mund të kushojë në Champions. Trajneri italian është shprehur i bindur se lojtarët e tij nuk do të gabojnë ndaj Shakhtar Donetsk.

“E Njohim mirë kundërshtarin tonë. Do të thotë shumë fitimi i kësaj ndeshje. Është një moment vendimtar në grup. Nesër mes fitores dhe humbjes ka një dallim të madh. Nëse humbasim, do të jemi të detyruar që të fitojmë më pas dy ndeshjet e mbetura.

Kjo skuadër nuk di të gabojë mentalisht në ndeshje të një niveli të tillë. Hazard? Është stërvitur mirë dhe duhet të ketë besim pasi momenti i tij do të vijë. Ai duhet të përfitojë dhe të gjejë momentin e duhur për të treguar vlerat e tij”, deklaroi strategu italian para ndeshjes. /R.Lika-Koha Jonë/