Ancelotti kërkon me ngulm transferimin e De Paul

Napoli kërkon me ngulm transferimin e fantazistit të Udineses, Rodrigo De Paul. Argjentinasi pëlqehet shumë nga drejtuesit e të kaltërve dhe shihet si njeriu ideal për të forcuar repartin e avancuar. Por pretendimet e larta të skuadrës nga friulane duket se e kanë vështirësuar punën për të arritur te 25-vjecari, për të cilin Udinese kërkon 30 milionë euro.

Por për të ulur disi këtë shumë, klubi i Napolit e ka një plan, të përfshijë në marrëveshje njërin mes Simone Verdi dhe Adam Ounas. Napoli nuk është klubi i vetëm që interesohet për De Paul, pasi argjentinasi pëlqehet shumë nga Inter, ndërsa edhe Milan ka shfaqur interes.