Apeli pranon ankesën e Interit, Spalletti në pankinë ndaj Fiorentinës

Trajneri i Interit, Luciano Spalletti, do të jetë sonte në mbrëmje në stolin e zikaltërve në ndeshjen ndaj Fiorentinës. Apeli ka pranuar kërkesën e klubit milanez për skualifikimin e trajnerit për shkak të festimit në ndeshjen ndaj Sampdorias.

Spalletti u skualifikua për shkak të shkeljes së nenit 49 të rregullores, pasi mbajti një qëndrim polemizues ndaj arbitrave të ndeshjes. Klubi zikaltër vendosi që të apelonte çështjen, duke bërë që trajneri ta shohë ndeshjen në vendin e tij, dhe jo nga shkallët e stadiumit. /Koha Jone/