Armando Duka kundër largimit të policisë nga stadiumi: Nuk ishte koha

Sezoni 2018-2019 ka nisur me risi në Kategorinë Superiore, teksa rendi në stadiume i është besuar policisë private. Një çështje e cila është komentuar dhe nga presidenti i FSHF-së, Armand Duka, që i ftuar në “Intervista e Mbrëmjes” në “Ora News” pohoi se vendimi është marrë nga qeveria shqiptare, vendim i cili është pranuar me konsensus dhe nga ta.

“Iniciativa nuk është e jona dhe nuk ështe se kemi qënë shumë ‘Pro’ këtij vendimi të qeverisë apo parlamentit për të larguar policinë nga stadiumi. Kemi qënë para faktit dhe jemi detyruar për të bërë maksimalen për të bërë një aktivitet të pranueshëm pa praninë e policisë. Nuk mendoj se është koha. Krahasimet që bëhen, jo shohim Anglinë, Spanjën… duhet të shohim realitetin.-tha Duka.