Augsburg fundos Mainzin me një “perlë” për vetëm 42 sekonda lojë (VIDEO)

Mainz komplikon edhe më shumë mbijetesën. Skuadra e drejtuar nga Beierlorzer nuk arriti të merrte qoftë një pikë në takimin me rivalin direkt, Augsburgun.

Në “Opel Arena” vendosi goli i shënuar nga Florian Niederlechner pa u mbushur një minutë lojë, finalizim që i mjaftoi Augsburgut për të marrë tri pikë qetësie në këtë transfertë delikate.

Në fakt, kor topi kaloi vijën fatale kishin kaluar vetëm 42 sekonda lojë, madje vetë protagonisti i këtij goli nuk po u besonte syve që kishte shënuar.

Mainzi, pas kësaj disfate mbetet tri pikë larg zonës së ftohtë dhe kërcënohet si nga Dusseldorfi ashtu edhe nga Werder Bremen.