Babai i Khabib: Unë do ta ndëshkoj djalin më shumë se UFC-ja

Babai i Khabib Nurmagomedov, Abdulmanap është shprehur se do të ndëshkojë djalin e tij për shkak të sjelljes së tij në fundin e duelit ndaj Conor McGregor, duke dal nga ringu. Ashtu edhe si vetë kampioni nga Dagestani kishte paralajmëruar, ai do ta ndëshkojë rëndë.

“Do ta ndëshkoj rëndë, më shumë se sa vetë UFC-ja. E kisha paralajmëruar. Për mua, disiplina është e para.  Në kafaz mund të bësh çfarë të duash, jashtë tij duhet të jesh i edukuar, pasi ka civilë, fëmijë, gra”, tha 55-vjecari për mediat ruse, duke mos zbuluar masën ndëshkomore që do të marrë ndaj kampionit Khabib.