Balaj: Krijuam shumë raste, barazimi do të ishte rezultati më i drejtë

Bekim Balaj pas humbjes ndaj Izraelit është shprehur se kombëtarja jonë meritonte të paktën një pikë.

“Sot nuk arrita të shënoj, në ato raste që u krijuan u mundova të bëj më të mirën, por nuk mjaftoi, sepse topi nuk shkoi në rrjetë. E vuajtëm mungesën e golit, dhe ndikoi.

Luajtëm mirë, e kishim përgatitur mirë, dhe të vjen keq që humbim 2-0. Minimumi do ishte një barazim i drejtë, krijuam shumë raste, por në futboll ndodh.

Zëvendësimet në fund? Mund të luanim me dy, ose me 5 sulmues në ato minuta, sepse duhej të shënonim, por i takon trajnerit”, deklaroi Balaj.