Bale mbetet fiksimi i Manchester United, gati oferta për Realin e Madridit

Manchester United nuk heq dorë nga Gareth Bale. Jose Mourinho është totalisht i “dashuruar” me sulmuesin uellsian dhe do të bëjë gjithçka për ta transferuar atë në Old Trafford, në 2 sesionet e ardhshme të merkatos.

Bale është nën kontratë me Realin e Madridit deri në vitin 2022, por dëmtimet e shpeshta që ka pësuar britaniku të cilat kanë bërë që Bale të mungojë në 40 nga 60 ndeshjet e fundit që kanë luajtur Los Blancos, po i shtyn drejtuesit e Realit ta nxjerrin në shitje futbollistin.

Nëse oferta e Manchester United kompeson sadopak shpenzimin prej 99 milionë eurosh që bëri klubi merengues për të firmosur me lojtarin në Vitin 2014, ky transferim mund të realizohet me sukses.