Barazim spektakolar në “Olimpico”, gola të çmendur në shtesë (VIDEO)

Spektakël, përmbysje dhe ripërmbysje në duelin mes Sampdorias dhe Lazios në një duel që është mbyllur në shifrat 2-2.  Bardhekaltrit e panë veten në disavantazh që në minutën e 21-të, teksa Quagliarella gjeti rrugën e rrjetës. Reagimi i Lazios vjen në minutat e fundit të ndeshjes.

Acerbi barazoi rezultatin në minutën e 79-të, ndërkohë që në minutat e 6-të shtesë gjyqtari Massa akordoi penallti i ndihmuar nga teknologjia. Nga pika e bardhë shkoi Immobile, i cili nuk gaboi duke shënuar golin e avantazhit. Ky ishte goli i 10-të për të në këtë sezon duke barazuar Pitaek dhe Ronaldon.

Gjithsesi ndeshja nuk u mbyll këtu, pasi Sampdoria gjeti forca për të barazuar sërish me Saponarën që shënoi një gol spektakolar ndaj Strakoshës duke ja kaluar lart topin. Lazio mbetet në vendin e 5-të me 25 pikë. /Koha Jone/