Barcelona s’di të fitojë në La Liga, ndalet edhe nga Bilbao (VIDEO)

Barcelona ka harruar se si fitohet në La Liga, teksa nuk ka shkuar më shumë se një barazim 1-1 ndaj Athletic Bilbaos. Takimi i luajtur në “Camp Nou” ka filluar me një surprizë, teksa trajneri Valverde ka vendosur ta lërë në stol Leo Messi-n, i cili është aktivizuar në minutën e 55-të në vend të Vidal, kur katalanasit ishin në disavantazh 1-0 pas një goli të realizuar nga De Marcos katër minuta para fundit të pjesës së parë.

Vendasit kanë arritur ta shmangin humbjen falë golit të shënuar në minutën e 84-t nga El Haddadi, me Messi-n që ka dhënë asistin. Katalansit kanë kërkuar golin e fitores në minutat e fundit, por pa arritur ta gjejnë atë.