Barcelona vuan shumë ndaj Valladolid, vendos goli i Dembele (VIDEO)

Barcelona ka arritur që të marrë fitoren e dytë në La Liga në sezonin e ri. Skuadra e Valverdes ka fituar minimalisht 1-0 në transfertë ndaj Valladolid. Në terrenin e rënduar të “Estadio José Zorrilla”, golin e vetëm të ndeshjes e shënoi Dembele në minutën e 57-të.

Sulmuesi francez u shërbye në limitet e vijës anësore nga Sergi Roberto. Vendasit u përpoqën që të reagonin, por nuk arritën që të gjenin rrugën e rrjetës, edhe pse vendos në vështirësi në dy-tri raste portierin Ter Stegen. Në shtesë Keko shënoi golin e barazimit, por gjyqtari i ndihmuar dhe nga VAR dha pozicion jashtë loje. /Koha Jonë/