Bayerni blindon mesfushorin deri në vitin 2026!

Bayerni i Mynihut nuk humbet kohë për të blinduar një nga elementët më të rëndësishëm që ka. Leon Goretzka ka firmosur një kontratë të re deri në vitin 2026.

Kontrata aktuale e futbollistit të kombëtares gjermane me kampionët në fuqi të Bundesligës skadonte në përfundim të sezonit.

“Me Bayernin kemi fituar gjithçka që mund të fitohej në tri vitet e fundit. Por është edhe më bukur, sesa të fitosh një titull, t’i përsëritësh këto suksese,”  deklaroi Goretzka për faqen zyrtare të Bayernit.

Aktualisht janë vetëm dy lojtarë të Bayernit, Niklas Süle dhe Corentin Tolisso janë në skadencë kontrate (qershor 2022). Në verën e vitit 2023, përfundojnë kontratat e kapitenit Manuel Neuer, Robert Leëandoëskit, Thomas Müllerit, Serge Gnabry-t dhe Kingsley Comanit.