Bayerni ofron 50 milionë euro për talentin e Romës

Bayern Munich po mendon për një mini-revolucion në merkaton e kësaj vere, teksa në listë është edhe Nicola Zaniolo. Mesfushori që luan me verdhekuqtë në Serinë A kërkohet me ngulm nga Juventusi, por duket se bavarezët janë treguar më të shkathët. Madje kampionët e Bundesligës kanë bërë ofertën e parë: 50 milionë euro.

Sipas “Bild”, drejtuesit e Bayern e konsiderojnë mesfushorin e talentuar si të përshtatshëm për të hedhur bazat e së ardhmes. Bayern i ri synon ta ketë Zaniolo si protagonist, duke parë moshën e tij të re, vetëm 19 vjeç.

Problem për Bayern do të jetë konkurrenca e forte me Juventusin, që gjithashtu kërkon me ngulm lojtarin dhe synon ta mbajë në Serinë A.