Bayerni shkatërron Dortmundin dhe prek titullin (VIDEO)

Bayerni Munich as që nuk ka ndërmend që të lëshojë titullin kampion gjatë këtij sezoni. Skuadra e Niko Kovac ka shkatërruar 5-0 Dortmundin në duelin e luajtur në “Allianz Arena” dhe që do të vendoste shumë për titullin.

Skuadra bavareze ka shënuar dy gola në 17 minutat e para. Fillimisht është Matts Hummels që dërgon topin në rrjetë pas një krosimi perfekt të Thigao Alcantarën nga këndi, ndërkohë që 7 minuta më pas Lewandowski dhuron spektakël. Polaku i rrëmben një top mbrojtjes kundërshtare, kalon portierin dhe më pas me një veprim akrobatik e dërgon “sferën” në rrjetë.

Ekipi i Kovac nuk ndalet me kaq, pasi në fundin e pjesës së parë shënojnë edhe dy gola të tjerë. Në minutën e 41-të, Javi Martinez realizoi me një goditje në hyrje të zonës, ndërkohë që 3 minuta më pas talenti Gnabry shënoi emrin në listën e shënuesve pas një goditje me kokë brenda zonës. Një minutë nga fundi i kohës së rregullt, Lewandowski shënoi një tjetër gol. Bayerni me këtë fitore ngjitet në krye me 64 pikë, një më shumë se Dourtmundi. /R.Lika-Koha Jone/

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = ‘https://www.scorebat.com/embed/embed.js?v=m2to’; fjs.parentNode.insertBefore(js, fjs); }(document, ‘script’, ‘scorebat-jssdk’));