Befason skuadra gjermane, futbollisti i kombëtares mbetet pa trajner

Skuadra e Ingolstad-it, ekip ku militon mbrojtësi i kombëtares shqiptare, Mërgim Mavraj aktualisht është pa trajner.

Humbja e fundit, 1-2 ndaj Sandhausen ishte e pesta radhazi për Inglostad. Ekipi gjerman renditet i fundit në Bundesliga 2 me 19 pikë dhe drejtuesit akuzuan si fajtor teknikun Jens Keler.

Për këtë fakt, në përfundim të ndeshjes shkarkuan teknikun Keler dhe stafin e tij. 48 vjeçari është i 3-ti trajner i shkarkuar këtë sezon.

Aktualisht ekipi i Mavrajt ndodhet 7 pikë larg nga zona e shpëtimit dhe 5 pikë larg nga zona “play-out”.