Boks/ Fury “lëshon” bombën, projektohet ndeshja me Wilder

Rikthimi i shumëpritur i Tyson Fury, ka bërë që fansat e boksit të ëndërrojnë për një ndeshje kthimi me Deontay Wilder.

Në një intervistë të fundit Fury tha se është arritur një akord për tu ndeshur me Wilder.

“ESPN më bëri një ofertë që nuk mund ta refuzoja. Wilder nuk mund të shmanget gjithmonë. Kemi diskutuar me agjentët dhe me shumë mundësi do të ndeshemi në muajin prill ose maj të 2020”,- u shpreh “Gipsy King”.

Ishte 1 dhjetori i 2018, ku në ringun e  “Staples Center” në Los Angelos, Fury doli barazim përballë rivalit të tij, Deontay Wilder, me këtë të fundit që mbrojti titullin në kategorinë WBC.