Bolt njeriu më i shpejtë në botë edhe në … qiell (VIDEO)

Njeriu më i shpejtë në planet Usain Bolt, kohët e fundit ka qenë në një periudhë tranzicioni pasi nuk po arrin dot të ambientohet me futbollin pas tërheqjes nga atletika. Gjithsesi xhamajkani ka treguar edhe një herë se është gati të mbrojë titullin si më i shpejti në planet në çfarëdo kushtesh të mundshme.

Një garë e çuditshme dhe e pazakontë u zhvillua në kuadrin e një publiciteti që lidhet me një shampanjë, që do të jetë e para në botë që do të pihet në hapësirë.

Brenda një avioni “Airbus A310” pa forcë rëndese, Bolt zhvilloi një garë, të cilën nuk mund të bënte gjë tjetër veçse ta fitonte, ndoshta jo për medalje të artë.