“Bomba” e Maradonës: Messi duhet të tërhiqet nga Argjentina

Diego Armando Maradona, trajner aktual i ekipit meksikan, Dorados de Sinaloa, rikthehet të flasë për pikën e dobët të tij, Lionel Messin. Ai i ka dhënë disa këshilla të rëndësishme.

“Mu duk pa kuptim zgjedhja e Scalonit, i cili nuk ja dha askujt numrin 10. Messi duhet t’ja jepte atij që luan si numër 10. Messi më surprizoi në Botëror, mendoja se do të ishte shumë i nervozuar me të gjithë, por ishte shumë i qetë. Do t’i këshilloja të mos kthehet më tek Argjentina, sepse në qoftë se gjërat shkojnë keq në kombëtare, faji i takon gjithmonë atij.

Jemi të çmendur që e kemi lënë Kombëtaren në dorën e Scalonit. Nuk ka bërë asnjë gol për Argjentinën. Ai thotë se është gati, por nuk jam dakord. Nuk është në gjendje të menaxhojë situatën. Më pas tranjer si Simeone, Gallardo e Pochettino duan lavdinë në Europë, jo vetëm paratë”, deklaroi Maradona.